السلام عليكم
هذة قصيدة لأم تعيش في دار المسنين تنثر كل احزانها
بصوت الامومة لولدها الذي رماها وتركها من اجل خاطر زوجته التى
رفضت العيش مع امة ..؟؟ وتمر ثلاث سنوات ولم ترى فلزة كبدها ولو مرة
وااحدة فكتبت هذة القصيدة...
يامسندي قلبي على الدوم يطريك
ماغبت عن عيني وطيفك سمايا
هذة ثلاث سنين والعين تبكيك
ماشفت زولك زايرا ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك احدا ساكنن في حشايا
وليا مرضت اسهر بقربك واداريك
ماذوق طعم النوم صبح ومسايا
ياما عطيتك من حناني وابعطيك
تكبر وتكبر بالامل يامنايا
لكن خسارة بعتني ليش وشفيك
واخلصت للزوجة وانا لي شقايا
انا ادري انة قاسية ماتخليك
قالت عجوزك مابيها معايا
خليتني وسط المصحة وانا ارجيك
هذا جزا المعروف وهذا جزايا
ياليتني خدااامة بين اياديك
شان اشوفك كل يوم برضايا
مشكور ياوليدي وتشكر مساعيك
وادعي لكم دايم بدرب الهدايا
حمدان ياحمدان امك توصيك
اخاف ماتلحق تشوف الوصايا
اوصيت دكتور المصحة بيعطيك
رسالتي وحروفها من بكايا
وان مت لاتبخل على بدعاويك
اطلب لى الغفران وهذا رجايا
وامطر تراب القبر بدموع عينيك
ماعاد ينفعك الندم والنعايا
تستحق ان تكتب هالقصيدة اللهم ارحمهم كم ربياني صغيرا
