حوااااار بين الباغه و الديرك؟؟؟

الباغه : يادير ياديرك .... ايش اني رجعت مشهووووووره وكل اصحاب عدن يطاهشوا عليا ..
الديرك : اييييييش ... منه المشهور ؟؟ ماسمعتش ؟؟؟ هيا انتبهي واحد يزيد عليك
الباغه : شوف لاتحسدش ولاتحرق دمك محد يشل زمنه وزمن غيره ...
الديرك : احسدك على اييييييييش ؟؟؟ على البوار الي انتي فيه ...
الباغه : هاههاي هاي هاي هاي هاي .......... ( ضحكة تحافه )
الديرك : على ايش تضحكي ياهبله على شماتك ... روحي شوفي نفسك كلك شوووك وقراقر ومحد يشترييك
الباغه : مليه ياأهبل الان الموضه القراقر والجسم الرشيق هاي هاي هاهاي هاهاهاي وبعدين قدك عارف انه اسمي رجع فوووق النجوم
الديرك : والله لو تعملي الي تعملي انا عادنا ملك السمك واشهرهم .... جسمي متناسق وفيبي لحمه بدون شوك وراسي كبير
وسنوني رصه وحده وبيضاء .... وعيوني ملونين .... وعادنا بايام البرد افرق شعري
الباغه : اوووووف موضتك قديم .... اقول لك خلاص زمانك ولى ومات ... محد يدور لك ... سعرك غالي .. والي بزمانك قدهم يبيعوا
فوووول .... وتحافتك خلاص موووضه قديم ... لا وكمان تفرق شعرك زي هتلر وعبدالحلييم هاهاي هاهاهاي هاهاهاهاي
اسمع مني واني الي بانفعك وباقول لك يالي الزمن ضيعك خلي الزمن ينفعك .... واهابووووووووي
الديرك : والله روحي اسألي عليا باسواق السمك وقولي لهم منه الديرك ..... اسألي عليا بصيره والدوكير ... بكل زغط من عدن
ولو تشتي حتى اسألي بجميع اليمن ودول الخليج ..... يابنتي انا الديرك وبس والباقي بسس
الباغه : والله تعرف تقووول نكت ولكاعه ..... ياشيخ استحي على دمك خلاص الناس محد يأكلك ومحد يشتريك ...
الديرك : مليييييه شئ طبيعي ... لان سعري فووووق عالي ...
الباغه : يلا خلي سعرك الغالي ينفعك .... ياشيخ ارحم الناس ... الناس ضباحى ومافيش معاهم قووت يومهم وانت سعر الكيلوحقك ب ثلاثه الف ....... يلا الان تجلس بالسوووق ومحد يشتريك لمن تخيييييص وترجع جيفه ..... وبعدين نهايتك الكداااافه ....
اما اني سوقي يمشي حريق الناس يتهافتوا عليا مهافته .... وأكمل من السوووق بلمح البصروعادني احيانا ارجع مثل
صورة 24 المعدومه بمسابقه الويفر حق هائل سعيد انعم ...... هاهاهاهاهاهاهاي هاي هاهاهاي
الديرك : تدري ليش لان سعرك رخيص قيمة المشك حقك 20 ريال .... انياهاهاهاهااها (ضحكات متقطعه شريره)
الباغه : اووووو يامسمك انت قديييييم كان زمان سعري بعشرين .... ياااااااااح انت قديم .... ياشيخ اني بايام البوار يبيعوني بميتين ريال ...... اما لمن يكون موسمي على الاقل يبيعوني بخمسمئه ريال ..... اقول لك خلاص دي السنه سنتي
والشهره شهرتي ...... وانت مووووووت ياحاسد وعلى عينك ......
الديرك: صدق من قال .... والباغه لمن صارت من جملة الاحلام ..... من بعد مابارت على مدى الاعوام
واليوم صارت تتشطح وتتنكع وتتحاف دي الايام .... وبيجي لك يوم ترجعى لعالم الاوهام
الديرك : باقول لك حاجه اخيره وحطيها حلقه في اذنك ..... لان الشعب ضبحان وتعبان صرتي شيئ ولا في الاحلام ويوم مايرجع الشعب
لحياة الترف زي زمان ....... بايزبطوووك كعب وباترجعي زي زمان

وهذه بداية الحكايه لسلسة الشعب الضبحان ........ تشاااااااااااو

هههههههههههههههههههه حوار اكثر من رائع
مثل ماعوتينا دائماااااااااااا متميزه
الى الاماااااااااااااااااام سووو

في قمة الروعة

الله على ابداعاتك ياسو انتي الفتيها القصة هذي....!